Тошкент вилоятида носоз фильтрли иссиқхоналар аниқланди

Тошкент вилояти Зангиота туманида “Истиқлол” ва “Бодомзор” маҳалла фуқаролар йиғини ҳудудларидаги иссиқхоналарда экологик рейд ўтказилди. Максус комиссия текшируви давомида “Истиқлол” МФЙдаги Б.З.га, “Бодомзор” МФЙдаги Х.У.га тегишли иссиқхоналарнинг филтр тизими носоз экани Экология ва иқлим ўзгариш қўмитаси томонидан аниқланди.

Ҳар икки ҳолат бўйича Маъмурий жавобгарлик тўғрисидаги кодекснинг 95-моддаси асосида маъмурий байоннома тузилди. Бу моддага кўра, атроф-муҳитга зарар етказиш ёки экологик талабларга зид ҳаракатлар учун жазо кўрилади.

Эслатиб ўтиш керакки, бугунги текширувдан олдин Зангиота туманида 14 та иссиқхона фаолияти ўрганилган ва фильтри носоз иссиқхоналар аллақачон аниқланган эди. Текширувлар давомида экологик талабларга риоя қилмаган ҳолатларга нисбатан қатъий чоралар кўрилаётгани қайд этилмоқда.