Фюри рингга чиқмоқчи бўлган рақибини айтди

Супероғир вазн тоифасида жаҳон чемпиони Тайсон Фюри Энтони Жошуа билан жанг бўйича келиша олмаса, кейинги рақиби ким бўлишини айтди.

«Айтганимдек, тикланиш жангида қандай кўринишга эга бўлишимни кўрамиз. Кейинроқ, 2026 йилда оғир вазнда уч карра жаҳон чемпиони бўлиш мен учун яхши вариант.

Фабио Вордли тез орада оғир жанг ўтказади. Йигитлар, сизлар ким билан жанг қилишни хоҳлаётганингизни биламан, лекин ҳурмат юзасидан унинг исмини айтмайман, чунки у мотамда. Аммо у боксни давом эттирмаса, «Катта Фаб» мен учун катта синов бўлишини истардим. Қолаверса, бу жуда катта томоша бўлади», — деб ёзди Тайсон ижтимоий тармоқда.