Жиззах вилояти ҳокимига тоғли ва чўл ҳудудларни ривожлантириш бўйича ўринбосарлар тайинланди

Жиззах вилояти ҳокимига икки ўринбосар тайинланди. Бу ҳақда вилоят ҳокимлиги хабар қилди.

Ўзбекистон президентининг 2025 йил 2 декабрдаги вилоятга ташрифида инвестиция ва экспорт йўналишларида янги тизим жорий қилиш топшириғи берилган.

Топшириққа мувофиқ, вилоят ҳокимлигининг янги ташкилий тузилмасига кўра Бахром Юсупов Музафарович — Жиззах вилояти ҳокимининг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосари лавозимига тайинланди.

Тайинловга қадар у Инвестициялар, саноат ва савдо вазирлигида бўлим бошлиғи лавозимида фаолият юритиб келган.

Бекзод Эгамов Абдувалиевич — Жиззах вилояти ҳокимининг дашт ва чўл ҳудудларда саноатни ривожлантириш, инвестиция ва савдо масалалари бўйича ўринбосари лавозимига тайинланди.

Тайинловга қадар Инвестициялар, саноат ва савдо вазирлигида бўлим бошлиғи лавозимида фаолият юритиб келган.