Маълумотларга кўра, йил давомида Ўзбекистон аэропортлари орқали 98 137 тонна юк ва почта жўнатмалари ташилган бўлиб, бу 2024 йилга нисбатан 12 фоизга кўп.

Юк айланмасининг ўсишида йилiga 120 минг тоннагача юк қабул қилиш қувватига эга Тошкент юк терминали муҳим ўрин тутмоқда. Айни пайтда у халқаро ташувларни барқарор таъминлайдиган ҳамда мамлакатнинг транзит салоҳиятини мустаҳкамловчи йирик логистика марказларидан бири ҳисобланади.