ATP рейтинги янгиланди. Ўзбекистонлик теннисчиларнинг ўрни қандай?

Профессионал теннисчилар ассоциацияси (ATP) ҳафталик янги рейтингни эълон қилди. Топ — 10 жадвалда тўртта ўзгариш кузатилди.

Жумладан, 2026-йилги Австралия очиқ чемпионати финалчиси, сербиялик Новак Жокович 3-ўринга кўтарилиб олди. У ўз ҳисобига 500 очко қўшиб қўйди ва германиялик Александр Зверев билан ўрин алмашди.

Шунингдек, америкалик Тейлор Фритс икки поғона кўтарилиб, 7-ўринга жойлашди. 7-ўриндаги Бен Шелтон эса, аксинча, икки поғона пастлади.

Бундан ташқари, рейтингда пешқадамлик қилаётган испаниялик Карлос Алкарас 2026-йилги Австралия очиқ чемпионатидаги ғалаба сабабли очколари сонини 13 650 тага етказиб олди ва унинг ҳисобига 1600 очко қўшилди. 2025-йилги чемпионликни ҳимоя қила олмаган италиялик Янник Синнер эса 1200 очко йўқотди.

Ушбу ҳафтада АТП рейтингига киритилган ўзбекистонлик теннисчиларнинг эгаллаган ўринларида ўзгариш юз берди. Ўзбекистоннинг биринчи рақамли теннисчиси Сергей Фомин 8 поғонага кўтарилди ва 330-ўриндан жой олди. Унинг ҳисобида 151 очко мавжуд. У 1–8-февраль кунлари Испаниянинг Тенерифе шаҳрида ўтказиладиган ATP Chellenger турнирида иштирок этмоқда. Унинг 1/32 финалдаги рақиби мексикалик Стефано Траваля бўлади. Фомин ушбу мусобақада ғалаба қозонса 75 очкони қўлга киритади.

Ҳумоюн Султонов аввалги ўрнидан 34 поғона пастлади, Максим Шин эса 21 поғона кўтарилди.

Ўзбекистонлик теннисчиларнинг АТП рейтингидаги ўрни топ — 3:

330. (338) Сергей Фомин — 151 очко;
615. (581) Ҳумоюн Султонов Сергей Фомин — 58 очко;
966 (987) Максим Шин — 19 очко.

Манба: www.daryo.uz