Новза атрофидаги савдо мажмуасининг ёнғинини бартараф этилди

Тошкент шаҳрининг “Новза” метро бекати яқинида жойлашган савдо мажмуасининг том қисмида ёнғин содир бўлгани ҳақида Фавқулодда вазиятлар бош бошқармасига (ФВББ) хабар келиб тушди.

Хабарга кўра, ҳодиса жойига зудлик билан қутқарув ва ёнғин ўчириш бўлинмалари етиб борган. Мутахассислар томонидан бино ичида бўлган барча фуқаролар тезкор равишда эвакуация қилинди.

Ёнғин соат 18:19 да тўлиқ ўчирилган. Дастлабки маълумотларга кўра, ҳодиса оқибатида тан жароҳати олганлар йўқ.

Айни пайтда ёнғиннинг келиб чиқиш сабаблари аниқланмоқда.