Фарғонада “Uzbekistan Judo Tour” турнири ўтказилди

Фарғона шаҳрида дзюдо бўйича “Uzbekistan Judo Tour” мусобақаси катта қизиқиш ва кўтаринки руҳда ташкил этилди. Юртимизнинг турли ҳудудларидан ташриф буюрган полвонлар 200 миллион сўмлик соврин жамғармаси учун татамига чиқишди.

Турнир давомида ҳар бир вазн тоифасида муросасиз ва шиддатли беллашувлар кузатилди. Тажрибали спортчилар билан бир қаторда ёш истеъдодлар ҳам ўз маҳоратларини намоён этди.

Беллашувлар якунига кўра, — 66 кг вазн тоифасида Мирзоҳид Маҳаммаджонов, — 81 кгда Бобур Янгибоев, — 90 кгда Нурбек Муртазоев ҳамда +70 кг вазн тоифасида Мухлиса Қодирберганова олтин медални қўлга киритди.

Мазкур мусобақа нафақат ғолибларни аниқлади, балки миллий дзюдонинг ривожланишида муҳим босқич бўлиб хизмат қилди.