Мейвезер Пакяо билан реванш ҳақидаги хабарга қисқача изоҳ берди

Америкалик афсонавий боксчи Флойд Мейвезер филиппинлик Менни Пакяога қарши реванш жангидан нималар кутаётгани ҳақида гапирди. Унинг сўзларидан Netflix иқтибос келтиради.

«Мен бир марта Менни билан жанг қилиб, уни мағлуб этганман. Бу сафар ҳам худди шундай натижа қайд этилади», — деди Флойд.

Эслатиб ўтамиз, жанг Netflix платформасида намойиш этилади. Жанг кўргазмали эмас, балки профессионал характерга эга бўлади.

25 апрель куни Мейвезер афсонавий Майк Тайсонга қарши жанг қилади. Учрашув Конгода (Африка) бўлиб ўтади. Флойд учун бу 2017 йил августида Конор Макгрегор рақиблик қилганидан бери илк расмий жанг бўлади.