Тикув-трикотаж ва пойабзал соҳаси учун солиқ имтиёзлари жорий этилди

Қонунчиликка кўра, 2028 йил 1 январга қадар тикув-трикотаж, пойабзал ва чарм-атторлик саноатида фаолият юритаётган айрим тадбиркорлар учун солиқ имтиёзлари амал қилади.

Унга мувофиқ, белгиланган шартларга жавоб берадиган корхоналар учун фойда солиғи 2 фоиз, ижтимоий солиқ эса 1 фоиз этиб белгиланади.

Имтиёзлардан фойдаланиш учун корхонада ҳар ойдаги ўртача иш ҳақи миқдори меҳнатга ҳақ тўлашнинг энг кам миқдорининг камида икки бараварига тенг бўлиши лозим. Шунингдек, ҳисобот даврида тўқув, тикув-трикотаж, пойабзал ёки чарм-атторлик маҳсулотларини сотишдан тушган тушум жами даромаднинг камида 70 фоизини ташкил этиши керак.