Ўзбекистон Қозоғистонга қатор тарихий ҳужжатларнинг нусхаларини топширди

Ўзбекистон президенти Шавкат Мирзиёев Бухорода Қозоғистон президенти Қасим-Жомарт Тоқаевга ноёб архив материалларининг нусхаларини топширди, деб хабар берди Ўзбекистон президенти матбуот хизмати.

Фото: Ўзбекистон президенти матбуот хизмати.

Гап Ўзбекистонда аниқланган, Туркистонда (Қозоғистон) жойлашган Хўжа Аҳмад Яссавий ҳамда Мирзо Улуғбекнинг қизи Робия Султонбегим мақбараларига оид 1920−1950 йилларга тегишли қимматли ҳужжатлар, чизмалар ва фотоматериаллар ҳақида бормоқда.

Фото: Қозоғистон президенти матбуот хизмати.

Ушбу материалларнинг аксарияти ҳозирга қадар илмий муомалага киритилмаган бўлиб, катта тарихий ва илмий аҳамиятга эга, дейилади хабарда.

Фото: Қозоғистон президенти матбуот хизмати.

Шавкат Мирзиёев меъморчиликнинг ноёб обидалари ҳисобланган Аҳмад Яссавий ва Робия Султонбегим мақбаралари Марказий Осиё халқларининг умумий тарихий-маданий меросида алоҳида ўрин тутишини таъкидлади.