Хоразмда маданий меросни ҳимоя қилиш дастури ишлаб чиқилади

Хоразм вилоятида маданий меросни ҳимоя қилиш бўйича дастур ишлаб чиқилади. Бу ҳақда Саида Мирзиёева Хива шаҳридаги Ичан-қалъа тарихий мажмуасига ташрифи якунлари бўйича маълум қилди.

Ташриф давомида Тошҳовли саройи, Муҳаммад Амин иноқ мадрасаси, Жума масжиди, Куня-Арк ва Муҳаммад Аминхон мадрасаси каби асосий меъморий ёдгорликлар кўздан кечирилди. Шунингдек, тарихий марказнинг мастер-режаси, объектларни реставрация қилиш ва музейлаштириш масалалари муҳокама қилинди.

Саида Мирзиёеванинг сўзларига кўра, янги дастур ҳудуднинг тарихий илдизлари ва ноёб миллий ўзига хослигини сақлашга қаратилган.