Сув хўжалиги вазирлиги тизимида Балиқчиликни ривожлантириш маркази ташкил этилади
Янги марказ балиқчилик соҳасида ягона давлат бошқаруви тизимини йўлга қўйиш, сув объектларидан самарали фойдаланишни ташкил этиш, илмий ёндашувларни кенг жорий этиш ҳамда тадбиркорларни тизимли қўллаб-қувватлаш билан шуғулланади.
Шунингдек, марказ ҳузурида Балиқчиликни ривожлантириш ва қўллаб-қувватлаш жамғармаси ҳам ташкил этилиб, соҳани молиявий рағбатлантиришнинг янги механизмлари жорий этилади.
Мазкур тизим балиқчилик тармоғини замонавий бошқарув асосида ривожлантириш, ишлаб чиқариш ҳажмини ошириш ва соҳада янги инвестиция лойиҳаларини қўллаб-қувватлашга хизмат қилади.