Президент иштирокида Мустақиллик кунига бағишланган тантаналар бугун, 28 август куни бўлиб ўтади

Президент Шавкат Мирзиёев 28 август, жума куни кечқурун Ўзбекистон мустақиллигининг 35 йиллигига бағишланган тантанали тадбирда иштирок этиб, мамлакат халқини байрам билан табриклайди. Бу ҳақда давлат раҳбарининг матбуот котиби Шерзод Асадов маълум қилди.

Эрталаб президент «Шаҳидлар хотираси» хиёбонида қатағон қурбонларини ёд этиш маросимида иштирок этиши ҳамда «Янги Ўзбекистон» боғида Мустақиллик монументи пойига гул қўйиши режалаштирилган.

Ўтган йили президент иштирокида Мустақиллик куни (1 сентябрь куни нишонланади) муносабати билан тантаналар 29 август куни, ундан олдинги йилларда эса 31 август куни ўтказилган.