“UNIVERSAL SUG‘URTA” АЖнинг лицензияси бекор қилинди

АЖ илгари тузилган суғурта шартномалари бўйича ўз зиммасига олган мажбуриятларини белгиланган тартибда бажариши шарт бўлади.

Истиқболли лойиҳалар миллий агентлигининг тегишли қарорига асосан “UNIVERSAL SUG‘URTA” АЖ умумий суғурта соҳасининг 1, 2, 3, 4, 5, 6, 7, 8, 9, 10, 11, 12, 13, 14, 15, 16 ва 17 класслари бўйича ихтиёрий суғурта фаолиятини амалга ошириш бўйича берилган 2022 йил 7 июлдаги 031932-сонли лицензияси 2 апрелдан бекор қилинди. Бу ҳақда ИЛМА хабар берди.

“UNIVERSAL SUG‘URTA” АЖ илгари тузилган суғурта (қайта суғурта) шартномалари бўйича ўз зиммасига олган мажбуриятларини белгиланган тартибда бажариши шарт.