Ҳасанбой Дўсматов IBA чемпионлик камарини қўлга киритди!

Тошкентдаги «Ҳумо арена» мажмуасида бокс бўйича «IBA Чемпионлар оқшоми» мусобақаси ўз якунига етди.

Оқшомнинг марказий жанги энг енгил вазн тоифасидаги ҳамюртимиз Ҳасанбой Дўсматов ҳамда Испания вакили Самуэль Кармона ўртасида кечди.

10 раунд этиб белгиланган мазкур жанг тўлиқ давом этди ва унда ҳамюртимиз Ҳасанбой Дўсматов ҳакамларнинг якдил қарори билан ғалаба қозонди.

Ушбу ғалаба орқали Ҳасанбой Дўсматов энг енгил вазн тоифасида IBA Жаҳон чемпионлик камарини қўлга киритди.

Манба: olamsport.com