Бокс. Исроил Мадримов - Теренс Кроуфорд жанги WBO камари учун ўтказилади

Бутунжаҳон бокс ташкилоти (WBO) Мадримов — Кроуфорд жанги ғолиби WBO йўналишининг вақтинчалик камарини қўлга киритишини маълум қилди.

Ушбу жангда ғалаба қозонган боксчи биринчи ўрта вазн тоифасида вақтинчалик (Interim) WBO камари соҳиби бўлади.

Маълумот учун, бу вазн тоифасида WBO йўналиши чемпиони Себастьян Фундора ҳисобланади. Мадримов — Кроуфорд жанги 3 август куни Лос-Анжелес шаҳрида ташкил этилади. Эртага Нью-Йорк шаҳрида ўтказиладиган матбуот анжуманида бу ҳақда расман эълон қилинади.

Манба: Ўзбекистон профессионал бокс федерацияси матбуот хизмати