UFC Vegas 91. Ўзбекистон вакили Богдан Гусков америкалик жангчини нокаутга учратди

Тошкент вақти билан 28 апрель тонгида UFC Vegas 91 турнири бўлиб ўтди.

Асосий карднинг «so main event» жангида Ўзбекистон вакили Богдан Гусков (15-3) Райан Спеннга (21-9) қарши октагонга кўтарилди.

Гусков жангнинг иккинчи раундида рақибини нокаутга учратиб, муддатидан олдин ғалабани қўлга киритди. Бу Богдан учун UFC’даги учинчи жанг ва иккинчи ғалаба бўлди.

Гусков промоушендаги дебютини швейцриялик Волкан Ўздемирга қарши ўтказиб, мағлуб бўлганди. Иккинчи жангда эса АҚШ вакили Зак Паугани нокаутга учратганди.

Манба: daryo.uz