Сурхондарёда сел келиши натижасида 400 га яқин қўйлар нобуд бўлди

Нобуд бўлган қўйлардан ҳар хил касалликлар тарқамаслиги учун дезинфекция қилиниб кўмилди.

Сурхондарё вилоятида бир гала қўйлар жасадини юк машинасидан чуқурликка тўкилгани акс этган видео ижтимоий тармоқларга сиздирилди. Ушбу ҳолат юзасидан Сурхондарё вилояти Экология, атроф-муҳитни муҳофаза қилиш ва иқлим ўзгариши бошқармаси изоҳ берди.

Жорий йилнинг 29-30 апрель, 1 май кунлари ёғингарчилик оқибатида Шеробод туманининг «Боғиобод» маҳалласи ҳудудига кучли сел келиши натижасида қўрадаги 360 бош қўй нобуд бўлди.

Мурожаатда кўрсатилган ҳудудда ҳозирда вилоят Фавқулодда вазиятлар бошқармаси, вилоят Санитария-эпидемиология бошқармаси томонидан назоратга олиниб, нобуд бўлган қўйлардан ҳар хил касалликлар тарқамаслиги учун дезинфекция қилиниб кўмилди.