UzAuto Motors Gentra учун шартномани қайта очмоқда

Chevrolet Lacetti, Damas ва Labo учун шартнома тузиш эртага бошланади. Автомобилларни шу заҳоти олиб кетиш имконияти мавжуд бўлади.

Эртага, 8 май куни соат 10:00 да 4 500 дона Chevrolet Lacetti автомобили учун контрактация очилиши режалаштирилган, дея хабар бермоқда UzAuto Motors АЖ Матбуот хизмати.

Қайд этилишича, барча автомобилларга шу заҳоти олиб кетиш имконияти билан шартнома тузиш мумкин бўлади. Шунингдек, Damas ва Labo автомобиллари учун ҳам шартнома тузиш мумкин. Автомобиль нархлари ўзгаришсиз қолади.

Бундан ташқари, UzAuto Motors автозаводи яқин кунларда Chevrolet Cobalt автомобилини янгиланган модификацияда ишлаб чиқаришни бошлайди. Унда экстерернинг қисман рестайлинги мавжуд бўлади. Янгиланган автомобиллардаги ўзгаришлар ва контрактация вақти ҳақида кейинроқ хабар берилади.

Chevrolet Lacetti, Damas ва Labo автомобиллари учун шартнома тузиш фақат savdo.uzavtosanoat.uz сайти орқали амалга оширилиши мумкин.