Ўзбекистонда заргарлик буюмлари учун қимматбаҳо тошлар импорти ҚҚСдан бекор қилинди

Президент томонидан имзоланган қонун билан айрим қонун ҳужжатларига қўшимча ва ўзгартиришлар киритилди.

Солиқ кодексига киритилган ўзгартиришга кўра, заргарлик буюмларини ишлаб чиқариш учун фойдаланиладиган қимматбаҳо тошларни Ўзбекистон ҳудудига олиб кириш қўшилган қиймат солиғидан 2024 йил 1 январдан 2027 йил 1 январгача озод қилинади.

Бундай қарор маҳаллий заргарлик буюмлари ишлаб чиқарувчиларни хомашё билан таъминлаш, экспорт салоҳиятини ошириш мақсадида қабул қилинган.