Пара енгил атлетимиз Жаҳон чемпионлигини қўлга киритди

Япониянинг Кобе шаҳри мезбонлик қилаётган пара енгил атлетика бўйича Жаҳон чемпионатидан навбатдаги хушхабар!

Бундан бироз авввал аёллар ўртасида T12 классида узунликка сакраш дастурида стартга чиққан ҳамюртимиз Ёқутхон Холбекова 5.48 метр натижа билан олтин медални қўлга киритди.

Эслатиб ўтамиз, Ёқутхон Холбекова 2023 йил Парижда бўлиб ўтган Жаҳон чемпионатида 5.54 метр натижа билан кумуш медаль ҳамда Париж — 2024 ёзги Паралимпия ўйинларига тўғридан-тўғри лицензияни қўлга киритган эди.

Мусобақанинг ортда қолган уч куни натижалари кўра, ҳозирча Ўзбекистон делегацияси ҳисобида 2 та олтин ва 2 та кумуш медаль мавжуд.