Навоийда чўмилишга борган мактаб ўқувчиларидан бири оқиб кетди

Чўмилишга бориб оқиб кетган 6-синф ўқувчисининг ўлими юзасидан текширув олиб борилмоқда.

Аввалроқ, ижтимоий тармоқда Навоий вилоятида мактаб ўқувчилар дарс вақтида чўмилишга бориб, улардан бири калтаклангани ва сувга отиб юборилгани ҳақида хабарлар тарқалди.

Навоий вилояти Мактабгача ва мактаб таълими бошқармасининг маълум қилишича, Кармана туманидаги 30-мактабнинг 6-синф ўқувчилари чўмилишга боришган.

Чўмилиш вақтида ўқувчилардан бири сувда оқиб кетиб, вафот этган. Ушбу ҳолат юзасидан ҳуқуқни муҳофаза қилувчи органлар томонидан суриштирув ишлари олиб борилмоқда.