Оғир атлетика. Акбар Жўраев ҳамда Ригина Адашбаева Олимпиадага йўлланмани қўлга киритди

Халқаро оғир атлетика федерацияси Олимпия цикли якунларига кўра Париж — 2024 ёзги Олимпия ўйинларида иштирок этадиган спортчилар рўйхатини эълон қилди.

Қувонарлиси, Ўзбекистон терма жамоаси аъзолари Акбар Жўраев ҳамда Ригина Адашбаева мусобақа иштирокчилари қаторидан жой олишди.

Унга кўра, Жўраев — 102 кг, Адашбаева эса — 81 кг вазн тоифасидаги баҳсларда Олимпиада медаллари учун кураш олиб боришади.

Саралаш даври давомида Токио — 2020 чемпиони Жўраев 400 кг, Адашбаева эса 243 кг натижа қайд этишга муваффақ бўлган.

Манба: olympic.uz