Мерганларимиз Осиё кубогида бронза медалини қўлга киритишди

Жанубий Кореянинг Сувон шаҳрида камондан отиш бўйича Осиё кубоги босқичи ўз якунига етиб бормоқда. Унда иштирок этган Ўзбекистон терма жамоаси битта бронза медалига сазовор бўлди.

Юртдошларимиз Амирхон Содиқов ва Зиёдахон Абдусатторова микст дастурида шоҳсупанинг учинчи поғонасига кўтарилишди.

Режага кўра, эртага яккалик дастурида финал баҳслари бўлиб ўтади. Афсуски, мерганларимиз бу йўналишда медаллар учун курашни эрта тарк этишди.

Энди жамоамиз 15-16-июн кунлари жамоавий ва яккалик дастурдаги Париж — 2024 лицензиялари ўйналадиган якуний мусобақада иштирок этиш учун Туркиянинг Анталя шаҳрига йўл олади.

Манба: olympic.uz