Ҳиндистон авиакомпанияси Тошкентга парвозлар сонини кўпайтиради

Парвозлар ҳар куни Airbus 320 русумидаги самолётларда амалга оширилади.

Жорий йил 17 августдан бошлаб Ҳиндистоннинг «IndiGo» авиакомпанияси Деҳли-Тошкент-Деҳли йўналиши бўйича мунтазам йўловчи қатновлари сонини ҳафтасига тўрт мартадан етти мартагача оширмоқда. Бу ҳақда Uzbekistan Airports Матбуот хизмати хабар берди.

Унга кўра, парвозлар ҳар куни Airbus 320 русумидаги самолётларда амалга оширилади.

«IndiGo» авиакомпанияси 2023 йил 22 сентябрдан Ўзбекистонга мунтазам парвозларни бошлаган.

Парвозлар сони оширилгунга қадар Ҳиндистон авиакомпанияси душанба, сешанба, пайшанба ва шанба кунлари парвозларни амалга оширади.