Пекин. Финляндия хоккей терма жамоаси илк марта олимпия чемпионига айланди

Қишки олимпиадада энг сўнгги баҳс бўлиб ўтди. Эркаклар ўртасидаги хоккейнинг финалида Россия ва Финляндия терма жамоалари тўқнаш келишди.

Руслар биринчи бўлимда сон жиҳатдан устунликдан унумли фойдаланиб, ҳисобни очишди.

Иккинчи бўлим ўрталарида финлар ҳисобни тенглаштиришган бўлса, улар учинчи бўлим бошида иккинчи голни уришга муваффақ бўлишди. Финляндия ўйин охирига қадар ҳисобни сақлаб қолди ва ўз тарихида илк марта олимпиада чемпионига айланди.

Пекин — 2022. Хоккей, эркаклар, финал
ФИНЛЯНДИЯ — РОССИЯ — 2:1 (0:1, 1:0, 1:0)
Голлар: Покка (23:28), Бьорнинен (40:31) — Григоренко (07:17)

Манба: stadion.uz