Тошкентда бедарак йўқолган 6 ёшли бола жасади сув билан тўлдирилган қудуқдан топилди

Куни кеча 6 ёшли боланинг ғойиб бўлгани ҳақидаги маълумот эълон қилинганди.

8 июль куни соат тахминан 18:00 ларда Тошкент шаҳрининг Учтепа туманида жойлашган Havas дўконига 6 ёшли Аюбхон Абдуллаев (Сунатилла) чиқиб, қайтиб келмаган. Бу ҳақда бедарак йўқолганларни топишга ёрдам берувчи УзАлерт гуруҳи хабар берди.

Бугун эрта тонгда тезкор ходимлар отаси ишлаган устахона ҳудудидаги сув қудуғидан боланинг жасадини топди. Қайд этилишича, “УзАлерт” отряди маъмурлари, кўнгиллилар ва ИИО ходимлари болани соатлаб қидирган.