Абитуриентларга кириш имтиҳонлари учун рухсатномалар берила бошланди

Абитуриентлар кириш имтиҳонларида қатнашиш учун рухсатномани ЯДХП ёки Билимни баҳолаш агентлиги веб-сайти орқали юклаб олишлари мумкин.

2024-2025 ўқув йилида олий таълим муассасаларининг бакалавриат таълим йўналишларига ўқишга кириш учун онлайн рўйхатдан ўтган абитуриентларга “Абитуриент рухсатномаси”ни бериш бошланди. Бу ҳақда Билимни баҳолаш агентлиги Матбуот хизмати хабар берди.

Рухсатномани my.uzbmb.uz сайтига шахсий идентификация рақами ҳамда паспорт серияси ва рақамини киритган ҳолда олишлари мумкин.

Шунингдек, рухсатномани my.gov.uz порталидаги «Абитуриентни онлайн рўйхатдан ўтказиш» хизматидан фойдаланган ҳолда олишингиз ҳам мумкин.

Абитуриентлар тест синовига паспорт (ID-карта) ва абитуриент рухсатномаси билан белгиланган вақтдан кечикмаган ҳолда келишлари лозим.