Қозоғистонлик жаҳон чемпионининг эртанги жанги бекор қилинди

Ўрта вазн тоифаси IBF ва WBO йўналишларида жаҳон чемпиони, қозоғистонлик профессионал боксчи Жанибек Алимханулининг ҳимоя жанги бекор бўлди.

У 14 июль, яъни эртага тонгда Янги Зеландия шарафини ҳимоя қилаётган, асли россиялик 26 ёшли боксчи Андрей Михайловичга қарши рингга кўтарилиши керак эди. Лекин жанг бекор қилинди. Бунга Жанибекнинг вазн ўлчаш маросими пайтида соғлиғи ёмонлашгани ва оқибатда шифохонага ётқизилгани сабаб бўлган.

Маълум бўлишича, Жанибек кучли сувсизланиш туфайли касалхонага олиб кетилган.

Манба: Ўзбекистон профессионал бокс федерацияси матбуот хизмати