Париж-2024'да илк жаҳон рекорди ўрнатилди

Жанубий кореялик Лим Си Хюн Парижда бўлиб ўтаётган Олимпия ўйинларида камондан отиш бўйича янги жаҳон рекордини ўрнатди.

21 ёшли спортчи мумкин бўлган 720 баллдан 694 очко жамғариб, саралаш босқичида ғолиб чиқди. У 2019-йилда 692 балл тўплаган ватандоши Кан Чже Йоннинг ютуғини янгилади.

Бу Париждаги жорий ўйинларда ўрнатилган биринчи жаҳон рекордидир.