Париж-2024. Дзюдо. Шарофиддин Балтабоевнинг рақиби мусобақадан четлаштирилди

Сешанба куни Париждаги Олимпиадада иштирок этиши керак бўлган ироқлик дзюдочи Сажжад Ғаним Сеҳеннинг анаболик стероид тести ижобий чиқди ва у мусобақадан четлаштирилди.

30 июль куни Сеҳен 81 кг вазн тоифасида рингга чиқиши керак эди, унинг биринчи жанги ўзбекистонлик Шарофиддин Балтабоевга қарши режалаштирилган эди.

Эслатиб ўтамиз, эртага юртдошларимиздан Достон Рўзиев ҳамда Ҳалимажон Қурбонова дзюдода ўз чиқишларини бошлайди.