Париж-2024. Дзюдо баҳсларида Рўзиев Достон ва Ҳалима Қурбонова ўз баҳсларини якунлади

Париж Олимпиадасида дзюдо баҳсларига старт берилди. 27 июль санасида ўзбекистонлик Достон Рўзиев ва Ҳалима Қурбонова Олимпия ўйинларида дебют қилди.

— 60 кг.гача вазн тоифасидаги спортчилар ўртасида Достон Рўзиев украиналик Дилшод Холматовга қарши гиламга кўтарилди. Афсуски, Достон кичик ҳисобда рақибига мағлуб бўлди (0:1). Достон Рўзиев Париж — 2024 ёзги Олимпия ўйинларидаги иштирокини якунлади.

— 48 кг.гача вазн тоифасидаги спортчилар ўртасида Ҳалимажон Қурбонова Озарбайжон вакили Лейла Алиевага қарши ҳаракат қилди. Хоразмлик спортчи қийин кечган учрашувда 1:0 ҳисобида ғалаба қозонди.

Ҳамюртимиз иккинчи босқичда швециялик Тара Бабулфатҳга қарши татамига кўтарилиб, имкониятни бой берди.

Манба: daryo.uz