Париж-2024. Ситора Турдибекова африкалик рақибидан устун келди

Бокс бўйича Ўзбекистон аёллар терма жамоаси аъзоси Ситора Турдибекова ҳам илк жангни муваффақиятли ўтказди.

Конго Демократик Республикаси вакили Марселат Сакоби билан тўқнаш келган ҳамюртимиз ишончли тарзда ғалабани ўз фойдасига ҳал қила олди ва иккинчи давра иштирокчисига айланди.

Энди у 2 август куни икки карра жаҳон чемпиони, хитой таипейилик Ю-Тинг Линга қарши чорак финал йўлланмаси учун жанг қилади.