Британиялик ўқ отувчи Олимпия рекордини ўрнатди

«Трапп»дан ўқ отиш бўйича британиялик Нейтан Хейлс олтин медални қўлга киритди. Финалда у 48 очко тўплади ва бу янги Олимпия рекордига айланди.

Иккинчи ўринни хитойлик Ки Йинг (44), учинчи ўринни гватемалалик Жан-Пьер Бролл (35) эгаллади.

Бу Гватемала тарихидаги иккинчи Олимпиада медалидир. Биринчиси Эрик Баррондонинг 2012 йилги Олимпия ўйинларида 20 км масофага югуриш бўйича кумуш медали эди.