Обама америкалик гимнастикачиларни табриклади

АҚШнинг собиқ президенти Барак Обама гимнастика бўйича АҚШ эркаклар терма жамоасини Олимпия ўйинларида бронза медалини қўлга киритгани билан табриклади.

“АҚШ эркаклар гимнастика жамоасини 16 йил ичида илк медалларини қўлга киритгани билан табриклаймиз!” – деб ёзди Обама ижтимоий тармоқларда.

Париж Олимпиадасининг олтин медалларини жами 259 594 балл тўплаган Япония терма жамоаси вакиллари қўлга киритди. Саралашдан сўнг пешқадам бўлган Хитой терма жамоаси иккинчи бўлди (259,062).