Париж-2024. Анна Пракатен медаллар учун курашдан чиқди

Академик эшкак эшиш бўйича Ўзбекистон терма жамоаси аъзоси Анна Пракатен Париж — 2024 ёзги Олимпия ўйинларининг B финалида иштирок этадиган бўлди.

Юртдошимиз якунланган ярим финал баҳсининг 1-гуруҳида 4-бўлиб маррага етиб келди. Ушбу натижа билан Пракатен B финалида қатнашадиган бўлди. Бу дегани энди у 7-12-ўринлардан бири учун беллашади.