Франция ҳали Олимпиадада гол ўтказиб юбормади

Мураббий Тьерри Анри бошчилигидаги Франция олимпия терма жамоаси ўз майдонларида ўтаётган Олимпиадада анчагина ишончли ҳаракат қилмоқда.

Жамоа кеча Аргентинани енгиб (1:0), ярим финалга йўл олди.

Шуни ҳам қайд этиш керакки, «Уч ранглилар» ҳали турнир давомида бирор марта гол ўтказиб юбормади. Улар гуруҳ босқичида АҚШ (3:0), Гвинея (1:0) ва Янги Зеландия (3:0) билан ўйинларда ҳам ўз дарвозаси дахлсизлигини сақлаб қолганди.