Париж-2024. Батутдан сакраш бўйича ғолиб аниқланди

Беларуслик Иван Литвинович Париждаги Олимпиадада батут бўйича дастурда биринчи ўринни эгаллади.

Финалда у 63,090 балл тўплади.

Иккинчи ўринни хитойлик Ван Цзысай (61,890), учинчи ўринни ҳамюрти Ян Лангю (60,950) эгаллади.

Бу Беларуснинг Олимпиададаги иккинчи медалидир. Аввалроқ, 2 август куни Виолетта Бордиловская батутдан сакраш бўйича кумуш медални қўлга киритган эди.