Байлз Париж-2024'даги олтинларини яна биттага ошириб қўйди

Америкалик гимнастикачи Симона Байлз Париж Олимпиадасида таяниб сакраш дастурида ғолиб чиқди ва Олимпия ўйинларининг етти карра чемпионига айланди.

Байлз 15,300 балл тўплади, иккинчи ўрин бразилиялик Ребека Андраде (14,966), учинчи ўрин америкалик Жейд Кэрига (14,466) насиб қилди.

Бу 27 ёшли Байлз учун Париждаги учинчи олтин — у аввал жамоавий ва яккалик баҳсларида ғалаба қозонган эди.