Япониялик дзюдочилар кетма-кет иккинчи Олимпиадада ҳам жамоавий баҳсларда французларга ютқазишди

Францияга қарши финалда умумий ҳисоб кунчиқар юрт вакиллари фойдасига 3:1 бўлиб турганида рақиб камбэк амалга оширди ва ҳисоб тенглашди.

Шундан кейин, регламентга кўра, қуръа орқали олтин учун ҳал қилувчи баҳс ўтказиладиган бўлди. Қуръа эса татамига Франциянинг энг кучли вакили, тўрт карра олимпия чемпиони Тедди Ринер чиқишини кўрсатди ва у рақибини иппон баҳоси билан енгиб, беш карра олимпия чемпионига айланди.

Дзюдо ватани бўлган Япония вакиллари қаторасига иккинчи олимпиадада жамоавий баҳсларда французларга ютқазишди ва майдонни кўзда ёш билан тарк этишди.