Леброн Жеймс АҚШ баскетбол жамоасига осон бўлмаслигини тахмин қилди

Миллий Баскетбол Ассоциациясининг (НБА) асосий юлдузларидан бири, 39 ёшли америкалик баскетболчи Леброн Жеймс Олимпия ўйинлари плей-офф босқичи бошланиши арафасида АҚШ терма жамоаси учун қийин бўлишини айтди.

«Ҳозир Олимпиадада жуда кўп ажойиб жамоалар бор. Шубҳасиз, Канада ва Германия фаворитлар қаторида.

Мен Греция бошдан кечган жангни яхши кўраман. Гуруҳ босқичида бизда Сербия бор эди ва улар нимага қодирлигини биламиз. Австралия ҳам кучли. Биз ҳар қандай рақибга тайёр бўлишимиз керак», — дея Жеймснинг сўзларини келтиради Lakers Nation.

3 август куни Олимпиадада баскетбол бўйича дастурларнинг гуруҳ босқичи якунланди. АҚШ терма жамоаси “С” гуруҳида биринчи ўринни эгаллади.

Чорак финалда америкаликлар Бразилия термаси билан тўқнаш келишади. Ўйин 6 август куни бўлиб ўтади.