Чилилик спортчи ўз мамлакатига дастлабки медални тақдим этди

Чилилик спортчи Франциска Кроветто Чадид скит бўйича Олимпия ўйинларида олтин медални қўлга киритди.

Отишманинг сўнгги босқичида у Буюк Британия вакили Амбер Руттердан кучлироқ чиқди. Бронза медалини америкалик Остен Смит қўлга киритди.

Кроветто Чадид Чили жамоасига 2024 йилги Олимпиададаги илк умумий медалини келтирди. Буюк Британия 35-мукофотига, АҚШ 64-медалига эга чиқди.

Америкаликлар жами медаллар бўйича (64 та) пешқадам, аммо олтин медаллар бўйича Хитойдан ортда қолмоқда.