Париж-2024. Улуғбек Рашитов иккинчи бор Олимпиада финалида!

Таэквондо WТ бўйича Токио — 2020 ёзги Олимпия ўйинлари чемпиони Улуғбек Рашитов иккинчи олтин медаль сари яна бир дадил қадам ташлади.

Ҳамюртимиз испаниялик Хавер Пересга қарши кечган ярим финал жангида 2:0 ҳисобида ғалаба қозонди. Эътиборли томони, биринчи бўлим ўрталарида Рашитов оёғидан жароҳат олди. Натижада у жангнинг қолган қисмини оёғидаги оғриқ билан ўтказди.

Шунга қарамай, Улуғбек муҳим ғалабани қўлга киритиб, финалга чиқди. Энди у чемпионлик учун Заид Карим (Иордания)га қарши даянга чиқади. Жанг Тошкент вақти билан 00:16 да бошланади.

Манба: stadion.uz