Париж-2024. Абдумалик Ҳалоков — финалга чиққан бешинчи ўзбек боксчиси!

Париж олимпиадасининг бокс мусобақасида Ўзбекистоннинг 5 нафар аъзоси финал йўлланмасини қўлга киритди.

57 кг. вазн тоифасида Абдумалик Ҳалоков ҳозиргина ярим финал жангини австралиялик Чарли Сениорга қарши ўтказди. Рақиб жиддий қаршилик кўрсатган бўлса-да, ҳамюртимиз ўз услубида ҳар учала раундни ўз фойдасига ҳал эта олди. Якуний баҳолар — 5:0 (30:27, 30:27, 30:27, 29:28, 29:28).

Маълумот ўрнида. Бироздан кейин 52 кг. вазн тоифасида Ҳасанбой Дўсматов финал жангини ўтказади. Рақиб — Билол Беннама (Франция).

Манба: stadion.uz