Гонконглик спортчилар Олимпия ўйинларида ғолиб ва совриндор бўлса, қанча мукофот пули олади?

Гонконглик спортчилар Париждаги Олимпия ўйинларида совринли ўринлар ва ғолиблик учун қанча пул олишлари маълум бўлди. Бу ҳақда Boston Globe нашри хабар бермоқда.

Гонконглик Олимпиада совриндорлари олтин медал учун 768 минг доллар, кумуш медал учун 384 минг доллар ва бронза учун 192 минг доллар олади.

Эслатиб ўтамиз, АҚШдан олтин медал соҳиблари 38 минг доллар, кумуш медал соҳиблари 23 минг доллар, бронза медали соҳиблари эса 15 минг доллар олади.

Гонконг ҳозирда медаллар рейтингида 24-ўринни эгаллаб турибди. Жамоа Париждаги ўйинларда иккита олтин ва иккита бронза медалини қўлга киритди.