Париж-2024. Таэквондо. Светлана Осипова — финалда!

Париж олимпиадасининг таэквондо мусобақаси аёллар ўртасидаги 67+ кг. вазн тоифасида иштирок этаётган Светлана Осипова финал йўлланмасини қўлга киритди.

Ҳамюртимиз ярим финалда Токио — 2020 олимпиадаси финалчиси — кореялик Ла Дабин билан баҳслашди. Биринчи бўлимда 3:3 ҳисобида қайд этилди. Бироқ инобатга олинмаган зарбалар ва фаоллик эвазига устунлик Светланага берилди.

Осипова иккинчи бўлимда катта устунликка эришди ва 9:5 ҳисобида ғалаба қозонди.

Шу тариқа, Светлана Осипова Париж — 2024 олимпиадаси финалига чиқди. Ватандошимиз финалда франциялик Алтеа Лауринга қарши даянга чиқди. Жанг Тошкент вақти билан 00:37да бошланади.

Манба: stadion.uz