Олтинчи олтин! Разамбек Жамалов – Париж-2024 ёзги Олимпия ўйинлари чемпиони!

Ўзбекистон делегацияси ҳисобида олтинчи олтин медаль. Мазкур медалга эркин курашчимиз Разамбек Жамалов муаллифлик қилди. — 74 кг вазн тоифасида иштирок этган полвонимиз чемпионлик баҳсида япониялик Даичи Такатанини мағлубиятга учратишга муваффақ бўлди.

Ватандошимиз 2 дақиқаю 12 сония ичида рақибининг курагини ерга текказди ва муддатидан аввал соф ғалабани қўлга киритди.

Шу тариқа, Ўзбекистон делегацияси ҳисобидаги медаллар ҳозирча 6 та олтин, 1 та кумуш ва 3 та бронзага етди. Баракалла, Разамбек!

Манба: olympic.uz