Дзюдо. Бугун Ўзбекистон чемпионатининг сўнгги куни оғир вазнлилар татамига чиқади

Пойтахтимиздаги «Юнусобод» спорт мажмуасида йилнинг сўнгги дзюдо мусобақаси — катталар ўртасидаги Ўзбекистон чемпионати давом этмоқда.

Бугун мусобақанинг сўнгги учинчи куни эркаклар — 100, +100 кг, аёллар эса — 78 ва +78 кг вазн тоифаларида татамига чиқадилар. Саралаш беллашувлари соат 10:00, финал баҳслари эса соат 17:00да бошланади.

Бугунги беллашувларда терма жамоа аъзолари Музаффарбек, Ўткирбек ва Шерхон Тўрабоевлар, Бекмурод Олтибоев, Алишер Юсупов, Шоҳруҳ Бахтиёров, Ирисхон Қурбонбоева сингари дзюдочиларимизнинг чиқишига гувоҳ бўламиз.