Таниқли атлет икки йилга дисквалификация қилинди

РУСАДА сайти хабарига кўра, 2022-йилги Россия чемпиони, оғир атлетикачи Хас-Магомед Балаев антидопинг қоидаларини бузгани учун икки йилга дисквалификация қилинди.

24 ёшли спортчининг дисквалификацияси 2023 йилнинг 16 январида бошланади.

Балаевнинг танасида мушак массасини ошириш учун ишлатиладиган анаболик стероид топилган.

Балаев 109 кг гача вазн тоифасида иштирок этади, у 2020 ва 2021 йилларда Россия чемпионатининг кумуш медали совриндори бўлди ва 2021 йилги Европа чемпионатида саккизинчи ўринни эгаллади.