Сурхондарёда собиқ мактаб директори эри Россияда ишлаб юрган аёл "ушланиб қолди"

Мактабгача ва мактаб таълими бошқармаси директори ҳодисадан 4 кун аввал ишдан бўшатилганини маълум қилди.

Аввалроқ, ижтимоий тармоқда Сурхондарёда эри Россияда ишлаб юрган аёл билан ишқий муносабатда бўлган мактаб директори ишдан олингани ҳақида хабар тарқалди. Ҳолат юзасидан Сурхондарё вилояти Мактабгача ва мактаб таълими бошқармаси маълумот берди.

Қайд этилишича, Денов туманидаги 11-сонли умумтаълим мактаби директори деб айтилаётган Т.А. билан тузилган меҳнат шартномаси жорий йилнинг 13 август куни Меҳнат Кодексининг 157-моддасига (меҳнат шартномасини тарафларнинг келишувига кўра бекор қилиш) асосан бекор қилинган.

Маълум қилинишича, видео материалда акс этган ҳолат эса жорий йилнинг 17 август куни кузатилган.